#ՄնաՏանը | «Московский комсомолец» կայքը Հայաստանի կենսաբանական լաբորատորիաների մասին կեղծ տեղեկություններ է տարածում

Ռուսական «Московский комсомолец»-ը նախօրեին անդրադարձել էր Հայաստանի կենսաբանական լաբորատորիաներին՝ շրջանառության մեջ դնելով բազմիցս հերքված մի շարք ապատեղեկատվություններ։

Կայքը հռետորական հարցադրում է անում՝ «ինչո՞ւ են ԱՄՆ զինվորական վիրուսոլոգներն իրենց ուսումնասիրություններն իրականացնում Հայաստանում»։ Այնուհետև ինքն էլ պատասխանում է, որ այդ լաբորատորիաներում իրականացվում են այնպիսի փորձարկումներ, որոնք հակաօրինական են Միացյալ Նահանգներում և ավելի «անվտանգ է» դրանք իրականացնել Հայաստանում։ Սեփական ենթադրությունը առավել սարսափեցնող դարձնելու համար՝ հեղինակը նշում է, որ «վտանգավոր վիրուսները մի օր կարող են դուրս գալ լաբորատորիաներից և վարակել հայ ժողովրդին»։

Տեղեկատվության ստուգման կենտրոնը ներկայացնում է փաստեր՝ Հայաստանում գործող լաբորատորիաների մասին, որոնք համառորեն անտեսվել են նյութի հեղինակի կողմից։

1. Լաբորատորիաները ամերիկյան չեն

Կարևոր է արձանգրել, որ այս լաբորատորիաները պատկանում են բացառապես Հայաստանի Հանրապետությանը, դրանք գտնվում են ՀՀ առողջապահության նախարարության ենթակայության ներքո, հանդիսանում են «Հիվանդությունների վերահսկման եւ կանխարգելման ազգային կենտրոն» պետական ոչ առևտրային կազմակերպության մասնաճյուղ և կոչվում են «Ռեֆերենս լաբորատոր կենտրոն»։ Որևէ այլ պետություն կամ պետական կառույց ազդեցութուն չունի ո՛չ դրա գործունեության, և ո՛չ էլ կառավարման վրա։

2. Լաբորատորիաներում չկան ո՛չ ամերիկացի զինվորականներ, ո՛չ էլ ԱՄՆ-ից ժամանած բժիշկ-մասնագետնտեր

Հայաստանի կենսաբանական լաբորատորիաներում աշխատում են բացառապես հայ մասնագետներ։ Լաբորատորիաների աշխատանքում ներգրավված չեն Միացյալ Նահագներից եկած ռազմական վիրուսոլոգներ կամ սովորական բժիշկներ։ ԱՄՆ-ի որևէ ներկայացուցիչ լաբորատորիաներում չկա։

Հատկանշական է, որ այս կեղծիքը պարբերաբար հերքվել է տարբեր մակարդակներով, սակայն որոշ շրջանակներ, միտումնավոր անտեսելով դրանք, շարունակում են ենթադրության վրա հիմնված պնդումներ անել։

3. Լաբորատորիաները աջակցություն են ստացել նաև Ռուսաստանի Դաշնության կողմից

«Ռեֆերենս լաբորատոր կենտրոնը» աջակցություն է ստացել նաև ՌԴ կառավարության կողմից։ Հայաստանը ԵԱՏՄ շրջանակներում ֆինանսատեխնիկական աջակցություն ցուցաբերելու համաձայնագրով Ռուսաստանի դաշնության կողմից ստացել է թվով 14 տարբեր տեսակի սարքավորումներ, կահույք և նույնիսկ կահավորված երկու շարժական լաբորատորիաներ։

4. Ռուսաստանի մասնագետները այցելել են լաբորատորիաներ

Վարչապետ Նիկոլ Փաշինյանը մի քանի անգամ անդրադարձել է այս հարցին, նշելով, որ լաբորատորիաները Հայաստանի սեփականությունն են և չունեն որևէ ռազմական նշանակություն։ Ավելին, վարչապետի հրահանգով ռուս մասնագետները հնարավորություն են ստացել այցելելու լաբորատորիաներ և համոզվելու դրանում։

2019 թվականի հոտեմբերի 29-ին ռուսական «Կոմերսանտ»-ին տված հարցազրույցում  Փաշինյանը նշել էր. «Անցյալ տարի իմ անձնական հանձնարարությամբ ռուս մասնագետներին թույլ տրվեց այցելել այդ օբյեկտներ՝ համոզվելու, որ դրանք որևէ սպառնալիք չեն պարունակում Ռուսաստանի համար: Դրանք ընդհանրապես չունեն ռազմական նշանակություն։ Սրանք կենսաբանական լաբորատորիաներ են, որոնք օգտագործվում են զուտ բժշկական նպատակներով: Կարծում եմ՝ մեր ռուս գործընկերները համոզվեցին դրանում»։



Աղբյուրը՝ https://infocheck.am/am
Կատեգորիա: Աշխարհ | Ավելացրեց: Goris_Today (09.04.2020)
Դիտումներ: 260 | Վարկանիշ: 0.0/0
#ՄնաՏանը | Թուրքիայի Այդըն նահանգում հայտնաբե...
#ՄնաՏանը | Թուրքիայի Այդըն նահանգում հայտնաբե...

Բորելը Փաշինյանի հետ հանդիպմանը ողջունել է ՀՀ դատա...
Բորելը Փաշինյանի հետ հանդիպմանը ողջունել է ՀՀ դատա...

Ֆրանսիայի խորհրդարանի արդեն չորս պատգամավոր Է հիվա...
Ֆրանսիայի խորհրդարանի արդեն չորս պատգամավոր Է հիվա...

Այսօրվանից փակ են Եվրոպայի սահմանները, վաղվանից՝ Ռ...
Այսօրվանից փակ են Եվրոպայի սահմանները, վաղվանից՝ Ռ...

Իրանը հայտարարել է COVID-19-ի համար բուժման արդյու...
Իրանը հայտարարել է COVID-19-ի համար բուժման արդյու...

#ՄնաՏանը. Covid-19-ը ստեղծելու և Չինաստանին վաճառե...
#ՄնաՏանը. Covid-19-ը ստեղծելու և Չինաստանին վաճառե...

#ՄնաՏանը. «Ռեդ Վինգս» ավիանկերությունը ձեռք է բերե...
#ՄնաՏանը. «Ռեդ Վինգս» ավիանկերությունը ձեռք է բերե...

«Ուհանից շատ հեռու ենք… խուճապ չկա». Կապանցի անգլե...
«Ուհանից շատ հեռու ենք… խուճապ չկա». Կապանցի անգլե...

Մահացել է Սու-34 կործանիչի նախագծի հեղինակ Ռոլան Մ...
Մահացել է Սու-34 կործանիչի նախագծի հեղինակ Ռոլան Մ...

Նոր գովազդային նյութեր առկա չեն
Մեկնաբանություններն ընդամենը՝: 0
avatar
ԿԱՅՔԻ ՑԱՆԿԸ
ԿՈՆՏԱԿՏՆԵՐ
Էլ․ հասցե՝ syuniknews@mail.ru
ՀՀ ՍՅՈւՆԻՔԻ ՄԱՐԶ
քաղաք Գորիս
Գալստյան 62