«Ես չեմ կարողացել գտնել նրան». Ադրբեջանի նախագահը կոշտ քննադատության է ենթարկել ԱԳՆ ղեկավար Մամեդյարովին

Ադրբեջանի նախագահ Իլհամ Ալիևը դժգոհություն է հայտնել երկրի արտգործնախարար Էլմար Մամեդյարովի աշխատանքի հետ կապված: Այս մասին փոխանցում են ադրբեջանական լրատվամիջոցները:

«Կարծում եմ, որ մեր դիվանագիտական գործունեությունը կարող էր առավել արդյունավետ լինել: Բազմիցս ասել եմ, որ մեր դիվանագիտությունը պետք է հարձակողական լինի և ոչ թե պասիվ, պաշտպանվողական»,- ասել է Ալիևը կառավարության նիստի ժամանակ:

Նրա խոսքով՝ ԱԳՆ-ն պետք է առավել արդյունավետ կատարի իր պարտականությունները, ինչպես նաև «հակառակորդներին ճիշտ փոխանցի Ադրբեջանի դիրքորոշումը»:

«Չնայած իմ հանձնարարականներին, ես նախարարից արդյունք չտեսա: Ցավոք, վերջին ժամանակներում մեր դիվանագիտությունը համատեղելի չէ մեր երկրի հաջող զարգացման հետ, որոշ դեպքերում այն զբաղվում է անիմաստ աշխատանքով, անիմաստ բանակցություններով: Ի՞նչ բանակցություններ կարող են լինել թշնամու հետ՝ կորոնավիրուսի հարցով: Դա անհեթեթություն է: Մենք, ի՞նչ է, սկսել ենք համագործակցություն Հայաստանի հե՞տ», - նշել է Ալիևը:

Նա ընդգծել է, որ նախարարը պետք է Հայաստանի հետ պայմանավորվեր ղարաբաղյան հակամարտության վերաբերյալ, բայց, ցավոք, մինչ այժմ նպատակի չի հասել, քանի որ Հայաստանը դեռ չի կատարել ՄԱԿ-ի Անվտանգության խորհրդի բանաձևը:

Ալիևը նշել է, որ արտաքին գործերի նախարարը որևէ կերպ չի արձագանքել հուլիսի 12-ին, երբ սկսվել են իրադարձությունները Ադրբեջանի և Հայաստանի սահմանին:

«Ի՞նչ էր անում արտգործնախարարը: Որտե՞ղ էր նա: Մենք գտնվում էինք աշխատավայրում հուլիսի 12-ի դեպքերից հետո: Վարչապետը՝ աշխատավայրում, ես մինչև առավոտ աշխատանքի էի: Պաշտպանության նախարարը, Գլխավոր շտաբի պետը, ինչպես նաև Պետական անվտանգության ծառայության պետը, Ներքին գործերի նախարարը, Արտաքին հետախուզության ծառայության պետը և Անվտանգության խորհրդի քարտուղարն աշխատում էին մինչև առավոտ: Արտաքին գործերի նախարարին չկարողացա գտնել: Ես հարցրեցի Ալի Ասադովին, թե որտեղ է նա: Ի՞նչ է նա քեզ ասել: Ասա ինձ», - նշել է նա:

Վարչապետ Ասադովը պատասխանել է հետևյալը. «Նա (Մամեդյարովը) ասել է, որ տնից է աշխատում: Ես զանգահարեցի նրան: Ես ասացի՝ ասա ինձ ժամանակով, որտե՞ղ ես եղել: Նա նաև ասել է, որ աշխատել է տնից, որ երեկոյան 3-ին լսել է այդ մասին (Հայաստանի հետ սահմանին իրադարձությունների): Այնուհետև նա ասել է, որ հեռախոսով զրուցել է Հիքմեթ Հաջիևի (նախագահի օգնական) հետ երեկոյան երեկոյան ժամը 6-ին կամ 7-ին: Ես տվել եմ այն հանձնարարականները, որոնք դուք էիք տվել նրան, և ասել եմ, որ այդպես չի կարելի: Մենք բոլորս գտնվում ենք աշխատավայրում: Գործընթացները ղեկավարվում են նախագահի կողմից: Որպես արտաքին գործերի նախարար՝ դուք պետք է կատարեք այն խնդիրները, որոնք նախագահն է դրել: Ես հարցրեցի, թե ինչու ես տնից աշխատում: Դու պետք է գաս աշխատավայր, գրասենյակ: Խնդիրն այսպես է դրվել: Դրանից հետո տեղի ունեցած իրադարձությունները հայտնի են»:



Աղբյուրը՝ https://www.tert.am/
Կատեգորիա: Աշխարհ | Ավելացրեց: Արմինե_Հովակիմյան (15.07.2020)
Դիտումներ: 436 | Վարկանիշ: 0.0/0
ՀՀ-ն պատրաստ է դիմագրավելու կորոնավիրուսին. առկա է...
ՀՀ-ն պատրաստ է դիմագրավելու կորոնավիրուսին. առկա է...

Ալեն Սիմոնյանը ներկա կգտնվի Ուրուգվայի նորընտիր նա...
Ալեն Սիմոնյանը ներկա կգտնվի Ուրուգվայի նորընտիր նա...

Իրանում կորոնավիրուսով վարակված 39 մարդ ապաքինվել ...
Իրանում կորոնավիրուսով վարակված 39 մարդ ապաքինվել ...

Նիկոլ Փաշինյանը  շնորհավորական ուղերձ է հղել Ճապոն...
Նիկոլ Փաշինյանը շնորհավորական ուղերձ է հղել Ճապոն...

Ունենք տարօրինակ փաստ, որ Իլհամ Ալիեւը հրաժարվում ...
Ունենք տարօրինակ փաստ, որ Իլհամ Ալիեւը հրաժարվում ...

Վարչապետն այցելում է քաղաքացիների բնակարաններ և գր...
Վարչապետն այցելում է քաղաքացիների բնակարաններ և գր...

ՌԴ օդուժը ռմբակոծում է Շահրանազի և Շաշաբուլի այն հ...
ՌԴ օդուժը ռմբակոծում է Շահրանազի և Շաշաբուլի այն հ...

Կապան համայնքում կկազմակերպվեն Տեառնընդառաջի տոնին...
Կապան համայնքում կկազմակերպվեն Տեառնընդառաջի տոնին...

Մեկնարկեց Սերժ Սարգսյանի և մյուսների գործով առաջին...
Մեկնարկեց Սերժ Սարգսյանի և մյուսների գործով առաջին...

Նոր գովազդային նյութեր առկա չեն
Մեկնաբանություններն ընդամենը՝: 0
avatar
ԿԱՅՔԻ ՑԱՆԿԸ
ԿՈՆՏԱԿՏՆԵՐ
Էլ․ հասցե՝ syuniknews@mail.ru
ՀՀ ՍՅՈւՆԻՔԻ ՄԱՐԶ
քաղաք Գորիս
Գալստյան 62