Իլհամ Ալիեւը երբեք Մեծամորի ԱԷԿ-ին հարված հասցնելու հրաման չի տա․ Ալեքսանդր Լապշին

Իլհամ Ալիեւը երբեք Մեծամորի ԱԷԿ-ին հարված հասցնելու հրաման չի տա։ Այս մասին Facebook-ի իր էջում գրել է բլոգեր Ալեքսանդր Լապշինը:

«Այսօր Մեծամորի ԱԷԿ-ին հարված հասցնելու Ադրբեջանի սպառնալիքների մասին գրել են ոչ միայն Ադրբեջանի եւ Հայաստանի, այլեւ Ռուսաստան, Եվրոպայի եւ նույնիսկ Իսրայելի ԶԼՄ-ները։ Եթե դուք իմ կարծիքը հարցնեք, ես վստահորեն կպատասխանեմ, որ դրանք դատարկ խոսքեր են, եւ ադրբեջանցիները երբեք դրան չեն գնա: Ոչ այն պատճառով, որ չեն կարող: Նրանք ընդունակ են հարվածելու, քանի որ զորքերի հրթիռային սպառազինությունը դա թույլ է տալիս: Տեխնիկապես նրանք ի վիճակի են հարվածել ոչ միայն Բաքվից, այլեւ Նախիջեւանից, որը Երեւանից 70 կմ-ից մի փոքր ավելի հեռավորությամբ է գտնվում: Բայց Իլհամ Ալիեւը երբեք նման հրաման չի տա երեք պատճառով.

1. Բռնակալ Ալիեւին պետք է ոչ թե լայնածավալ պատերազմ Հայաստանի հետ, այլ սահմանային սադրանքների շարք, որպեսզի իրական խնդիրներից շեղի արագորեն աղքատացող ադրբեջանցիների ուշադրությունը: Երկիրը, որի եկամտի 80%-ը կազմված է նավթի վաճառքից, այսօր աշխարհում նավթի գների անկման պատճառով հայտնվել է կոտրած տաշտակի առջեւ: Ընդ որում, իշխող գերդաստանի ախորժակը չի պակասել, ինչպես նաեւ նավթայինի կարկանդակից իրենց մասնաբաժնի համար կլանների հակամարտությունը նույնպես աճել է: Սրան ավելացնենք նաեւ Ադրբեջանում կորոնավիրուսի տարածման նկատմամբ վերահսկողությունը կորցնելը, չորրորդ ամիսը շարունակվող կարանտինը եւ շարքային քաղաքացիների աճող վրդովմունքը:

Դուք նկատեցիք, որ հազարավոր մարդկանց հավաքելով «հայերին դաս տալու» կարգախոսի ներքո, Ալիեւը հանկարծ կորցրեց վերահսկողությունը, եւ ոստիկանությունը ստիպված եղավ ցրել ամբոխը փայտերի եւ ջրցանների միջով, հակառակ դեպքում՝ զայրացած եւ հուսահատ մարդիկ գրոհելու էին Ադրբեջանի խորհրդարանը: Եթե Ալիեւը երկիրը ներքաշի լայնամասշտաբ պատերազմի մեջ եւ պարտվի, ապա նա ստիպված կլինի փախչել երկրից այն նույն անձնական ինքնաթիռով, որով նա ինձ է տարավ Բաքու 2017-ի փետրվարին՝ ձգտելով ցույց տալ իր ժողովրդին, թե որքան հզոր է ինքը, որ մի ամբողջ բլոգերի է  բռնել: Ըստ ԶԼՄ-ների տեղեկությունների, նրա ընտանիքը մի քանի առանձնատուն է գնել Մոսկվայի մերձակայքում՝ Ղրղզստանի խայտառակ նախագահ Ակաեւի եւ Ուկրաինայի նույնպիսի փախստական  նախկին առաջնորդ Յանուկովիչի հարեւանությամբ: Եվ, այնուամենայնիվ, ես կարծում եմ, որ Ալիեւը փախուստի տեղ է պատրաստում միջնաժամկետ հեռանկարի համար, բայց ոչ մոտ ապագաի:

2. Չնայած Մեծամորի ԱԷԿ-ը ձեւականորեն հայկական է, այն իրականում ղեկավարվում է ռուս հսկաների կողմից, առաջին հերթին՝ «Ռոսատոմի» կողմից: Կայանում աշխատում են հսկայական թվով ռուս ինժեներներ եւ տեխնիկներ: Կայարանին ցանկացած հարված կհանգեցնի Ռուսաստանի տասնյակ եւ հարյուրավոր քաղաքացիների մահվան, որոնք այնտեղ աշխատում են: Հիշեցնեմ, որ Գյումրիում, Երեւանում եւ Մեղրիում տեղակայված ռուսական 102-րդ դիվիզիան պատասխանատու է նաեւ Մեծամորի ԱԷԿ-ի անվտանգության ապահովման համար: Ռուսական զինուժն ունի բոլոր անհրաժեշտ միջոցները՝ ադրբեջանական հարվածը կանխելու համար՝ С-300В զենիթահրթիռային համակարգեր (988-րդ հակաօդային հրթիռային գունդ), ՄիԳ -29 կործանիչներ, Մի -24Պ եւ Մի-8 ՄՏ ուղղաթիռներ (ներառված են 3624-րդ թ. ավիաբազայում, Էրեբունու օդանավակայանը`Երեւանի մոտ): Եթե ինչ-որ մեկը կարծում է, որ Ռուսաստանը «այն չէ», ապա ես կարծում եմ, որ ատոմակայանին հարվածելու ադրբեջանցիների փորձը կհիշեցնի, որ ռուսական արջը լիովին ունակ է ցավոտ կծել՝ որպես պատասխան: Բնականաբար, Ադրբեջանի իշխանությունները նույնպես հասկանում են վերը նշված ամեն ինչը:

Գաղտնիք չէ, որ Ալիեւը կցանկանար ներքաշել Ռուսաստանին ղարաբաղյան հակամարտության մեջ, որպեսզի Էրդողանի հետ (որը դժգոհ է Գյումրիում ռուսական բազաների ներկայությամբ) միասին մեղադրեր Պուտինին Բաքվի նկատմամբ Հայաստանի կողմից ագրեսիայի մեջ։ Սակայն այս դեպքում Մեծամորի ատոմակայանի պաշտպանության դեպքում այդ սխեման չի գործում, քանի որ Մեծամորը Ղարաբաղ չէ եւ ագրեսորն այս դեպքում Ադրբեջանն է, իսկ ռուսները միայն պաշտպաներում են սեփական օբյեկտները։

3. Եթե տեսականորեն ենթադրենք, որ Ալիեւին հաջողվել է խոցել հայկական եւ ռուսական պաշտպանությունն ու հարվածել Մեծամորի ատոմակայանի ուղղությամբ, ապա հիշեցնեմ, որ կայանից մինչեւ Թուրքիայի սահման ընդամենը 20 կիլոմետր է, իսկ մինչեւ Թուրքիայի Իգդիր քաղաքը՝ 40 կիլոմետր։ Դեռ ավելին, Թուրքիայի կողմից խիտ բնակեցված Արարատյան դաշտավայրը սահմանամերձ է հայկական սահմանին։  Խոսքն այն մասին է, որ եթե ողբերգություն տեղի ունենա եւ ադրբեջանցիների գործողությունները հանգեցնեն Չերնոբիլի նման աղետի, ապա նախ վտանգի տակ կհայտնվի Թուրքիայի ամբողջ հյուսիս-արեւելքը։ Միլիոնավոր թուրքեր ստիպված կլինեն լքել իրենց տներն ու փախնել, ինչը կհրահրի սոցիալական պայթյուն առանց այն էլ կառավարությունից դժգոհ երկրում։ Էրդողանը միանշանակ երախտապարտ չի լինի Ալիեւին։

Այդկերպ, ընկերներ, թուլացեք։ Ադրբեջանցիների բոլոր սպառնալիքները փուչիկ են՝ ուղղված բացառապես ներքին լսարանին։ Աղմկահարույց հայտարարություններն ու հայերի ուղղությամբ նախատինքը գրոշ չարժեն»,-նշել է նա։



Աղբյուրը՝ http://news.am
Կատեգորիա: Աշխարհ | Ավելացրեց: Արմինե_Հովակիմյան (16.07.2020)
Դիտումներ: 265 | Վարկանիշ: 0.0/0
Արարատում ավելի քան 1000 շահառու այլևս նպաստ չի ստ...
Արարատում ավելի քան 1000 շահառու այլևս նպաստ չի ստ...

Ապրիլի 5-ին Հեղափոխությանը ասում ենք Այո․ վարչապետ...
Ապրիլի 5-ին Հեղափոխությանը ասում ենք Այո․ վարչապետ...

Ստեփանծմինդա-Լարս ավտոճանապարհը բեռնատարների համար...
Ստեփանծմինդա-Լարս ավտոճանապարհը բեռնատարների համար...

Սիսիան համայնքի 2019թ. տարեկան բյուջեի և համայնքի ...
Սիսիան համայնքի 2019թ. տարեկան բյուջեի և համայնքի ...

Իրանում երկրաշարժերից տուժածների թիվը հասել է 104-...
Իրանում երկրաշարժերից տուժածների թիվը հասել է 104-...

Սյունիքում 3 զինվորների մահից հետո ծեծկռտուք է եղե...
Սյունիքում 3 զինվորների մահից հետո ծեծկռտուք է եղե...

Հատուկ քննչական ծառայության գլխավոր քարտուղարին պա...
Հատուկ քննչական ծառայության գլխավոր քարտուղարին պա...

Բուլղարիայի կառավարությունը Wizz Air-ն ընտրել է որ...
Բուլղարիայի կառավարությունը Wizz Air-ն ընտրել է որ...

Իտալական քաղաքը փակվել է կորոնավիրուսի 6 հաստատված...
Իտալական քաղաքը փակվել է կորոնավիրուսի 6 հաստատված...

Նոր գովազդային նյութեր առկա չեն
Մեկնաբանություններն ընդամենը՝: 0
avatar
ԿԱՅՔԻ ՑԱՆԿԸ
ԿՈՆՏԱԿՏՆԵՐ
Էլ․ հասցե՝ syuniknews@mail.ru
ՀՀ ՍՅՈւՆԻՔԻ ՄԱՐԶ
քաղաք Գորիս
Գալստյան 62