Հայաստանի Տարածքը գաղտնալսում են Թուրքիայից. Սամվել Մարտիրոսյան

168.am-ը գրում է. Տեղեկատվական անվտանգության մասնագետ Սամվել Մարտիրոսյանի կարծիքով՝ Թուրքիայի ներգրավվածությունը, սիրիայի գրոհայինների ներգրավումն ամբողջովին փոխել է տեղեկատվական պատերազմի ֆորմատը։ «Փաստացի, մեզ մնում է հետևից մի փոքր հարվածել, և արդեն ինքնըստինքյան մեր գործն անում են արտասահմանյան լրատվամիջոցները»,- 168TV-ի «Ռեվյու» հաղորդման ընթացքում ասաց նա:

Փորձագետը տեղեկատվական պատերազմում հայկական կողմի թույլ կողմը համարում է բնակչության անփութությունը. «Շատ դեպքերում ուզում են օգուտ տված լինել և տարափի պես տարածում են ձայնային հաղորդագրություններ՝ առանց խորանալու՝ ով է ուղարկել, ինչու է ուղարկել: Հիմա ադրբեջանական հետախուզությունը շատ ակտիվ պատվերներ է տալիս միջազգային հարթակներին: Նույն ձայնագրությունը շատ հեշտ կարելի է պատվիրել, և շատ տիպիկ հայերեն ձայն է լինելու»:

Միևնույն ժամանակ՝ նա նշեց, որ մեդիագրագիտությունն աճում է, թեպետ հակառակորդը փորձում է գտնել թույլ կետերը և խուճապ տարածել:

Նրա խոսքով՝ հայկական կողմն էլ նույն մեթոդներն Ադրբեջանի բնակչության հանդեպ է կիրառում. «Այն, ինչ ես գիտեմ, իսկ ես համոզված եմ, որ ես գիտեմ ոչ ամբողջը, կարող եմ ասել, որ Ադրբեջանի վրա աշխատում են նմանատիպ և ոչ նմանատիպ մեթոդներով»:

Սամվել Մարտիրոսյանի կարծիքով՝ Ադրբեջանը հսկայական գումարներ է ծախսում տեղեկատվական պատերազմում. «Նրանք վարձում են լոբբիստական կազմակերպություններ, միլիոններ ծախսվում են միայն երևացող հատվածում: Կան մարդիկ, որոնք աշխատավարձ են ստանում դրա համար՝ հայերի դեմ գրելու համար: Դա նաև երևում է տարիների ընթացքում հայկական հաքերների կողմից կոտրված էլեկտրոնային փոստերից, որտեղից երևում է, որ Վրաստանում կան վարձված լրագրողներ, փորձագետներ, Ռուսաստանում, Իսրայելում և այլ երկրներում կան: Նաև վճարովի նյութեր են տեղադրում»:

Ըստ նրա՝ Թուրքիան տեղեկատվական պատերազմում էլ է բացահայտ աջակցում Ադրբեջանին. «Սկսած տեխնիկականից, այսինքն՝ կիբերհարձակումների մի մասն ավելի գրագետ արվում է Թուրքիայի կողմից: 100 տոկոսով համոզված եմ, որ Հայաստանի տարածքը գաղտնալսում և տվյալներն Ադրբեջանին փոխանցում են Թուրքիայից: Հեռախոսազանգերը և SMS-ները շատ հեշտ կորզվող են Թուրքիայի կողմից, և պետք է շատ զգույշ լինել: Ադրբեջանն այդքան ռեսուրս չունի, բայց երբ Թուրքիան է ներգրավված, պետք է դա հաշվի առնել»:

Մանրամասները՝ 168TV-ի տեսանյութում



Աղբյուրը՝ http://168.am
Կատեգորիա: Աշխարհ | Ավելացրեց: Goris_Today (06.10.2020)
Դիտումներ: 443 | Վարկանիշ: 0.0/0
Կառավարությունն առաջարկում է պաշտոնատար անձի հետ խ...
Կառավարությունն առաջարկում է պաշտոնատար անձի հետ խ...

ՀՀ-ն պաշտոնյաների կոռուպցիոն գործունեության արդյու...
ՀՀ-ն պաշտոնյաների կոռուպցիոն գործունեության արդյու...

Սյունյաց աշխարհի գրչության կենտրոն Խոզնավարի սրբավ...
Սյունյաց աշխարհի գրչության կենտրոն Խոզնավարի սրբավ...

Խոջալու. Ադրբեջանի զեղծարարությունները ադրբեջանցին...
Խոջալու. Ադրբեջանի զեղծարարությունները ադրբեջանցին...

Փաշինյան. Երևանի ամենակարևոր զբոսայգին մեջ-մեջ են ...
Փաշինյան. Երևանի ամենակարևոր զբոսայգին մեջ-մեջ են ...

Կյանքը միավորված համայնքներում. Մեղրի
Կյանքը միավորված համայնքներում. Մեղրի

Հոբելյանական ցերեկույթ՝ Սիսիանի գրադարանում՝ նվիրվ...
Հոբելյանական ցերեկույթ՝ Սիսիանի գրադարանում՝ նվիրվ...

Քաջարան քաղաքում, «Մեղրու սար», Սիսիան-«Զանգեր» և ...
Քաջարան քաղաքում, «Մեղրու սար», Սիսիան-«Զանգեր» և ...

«Անտերություն է». Մեղրու ԲԿ-ում հրաժարվել են զննել...
«Անտերություն է». Մեղրու ԲԿ-ում հրաժարվել են զննել...

Նոր գովազդային նյութեր առկա չեն
Մեկնաբանություններն ընդամենը՝: 0
avatar
ԿԱՅՔԻ ՑԱՆԿԸ
ԿՈՆՏԱԿՏՆԵՐ
Էլ․ հասցե՝ syuniknews@mail.ru
ՀՀ ՍՅՈւՆԻՔԻ ՄԱՐԶ
քաղաք Գորիս
Գալստյան 62