Սրբազան պատերազմի հրամայականն է՝ Սյունիքի ամեն մի բնակավայրում ստեղծել ինքնապաշտպանական ջոկատ

Արցախի Պաշտպանության բանակը շարունակում է հերոսական մարտեր մղել ադրբեջանաթուրքական, ահաբեկչական զորքերի դեմ: 

Մեր զինվորների ու սպաների անօրինակ սխրանքների եւ կյանքի գնով թշնամին չի կարողանում հասնել իր նպատակադրած ցեղասպան ծրագրի իրագործմանը:

Ստեղծված լարված իրավիճակում, երբ ռազմաճակատի գիծն անընդհատ փոփոխություններ է կրում, հայոց զինված ուժերին առավել գործնական աջակցություն ցույց տալու անհրաժեշտություն է առաջացել: 

Այդ առումով ծանրակշիռ քայլ կլինի Սյունիքի մարզի ամեն մի բնակավայրում ինքնապաշտպանական ջոկատների կազմավորումը, որում կընդգրկվեն առաջին հերթին ֆիզիկական եւ մարտական որոշակի պատրաստություն ունեցող տղամարդիկ: Նաեւ նրանք, ովքեր ի վիճակի են մասնակցելու ամրաշինական աշխատանքների:

Ինչո՞ւ է կարեւորվում ինքնապաշտպանական ջոկատների կազմավորումն ըստ բնակավայրերի:

Նախ՝ Սյունիքի պատմության ամենավճռական պահերին՝ լեգենդար Անդոկ իշխանի օրերից մինչեւ առասպելական Մելիք Հայկազն 2-րդ, մինչեւ Դավիթ Բեկ եւ Մխիթար Սպարապետ, Զորավար Անդրանիկի եւ Գարեգին Նժդեհի օրերից մինչեւ Վազգեն Սպարապետ, կանոնավոր զորագնդերի հետ կողք-կողքի ստեղծվել են ժողովրդական աշխարհազորային ջոկատներ կամ որ նույնն է՝ ինքնապաշտպանական ջոկատներ, առանց որոնց անհնարին կլիներ դարերի քառուղիներով Սյունիքի հերոսական ընթացքը:

Մեր նախնիների այդ ավանդույթն այսօր էլ պահանջված է, ինչպես բոլոր ժամանակներում:

Մյուս կողմից՝ բարեբախտաբար մեր շարքերում են 1990-ականների սյունիքյան ինքնապաշտպանական ջոկատների առյուծաբաշ տղերքը, որոնց սխրանքների շնորհիվ թուրք-ազերին ջարդ կերավ Արցախյան առաջին պատերազմում, եւ օտարի լծից ազատագրվեց հայոց Արցախը: Այդ առյուծ տղերքի փորձը, իմացությունը, նաեւ տեղանքին քաջատեղյակությունն անգերազանցելի ու բացառիկ օգնություն եւ ռեսուրս են երիտասարդների համար: 

Մեր 18-20 տարեկան փառապանծ պատանիներն ավելի վստահ կգործեն՝ իրենց կողքին տեսնելով փորձառու նվիրյալներին՝ ավագ սերնդից:

Մի խոսքով՝ մարզի ամեն մի բնակավայրում ինքնապաշտպանական ջոկատ ստեղծելն օրվա հրամայականն է: Եվ մենք պետք է դրան հասնենք շատ կարճ ժամանակահատվածում:

Հավատացեք, դրա համար որեւէ համայնքապետի, պատգամավորի, ներկա եւ նախկին իշխանավորի, հիմնարկի կամ կազմակերպության ղեկավարի, տեղական օլիգարխի, իրավապահ մարմինների պատասխանատուների կոչի եւ հորդորի կարիքը որեւէ մեկը չունի, քանզի մեր սրբազան հողն է վտանգված, իսկ դրանից առավել կոչ չկա եւ չի կարող լինել մեզանում: Ավելին` առաջին հերթին այդ մարդկանց ինքնապաշտպանական ջոկատներում տեսնելու պահանջարկ եւ հրամայական կա, այլապես մեր սրբազան պատերազմը Հայրենական չի կոչվի, այլապես մեր ժողովուրդն իրեն վերստին խաբված կզգա:

Խոնարհումի արժանի է Սյունյաց աշխարհի բազմաթիվ դուստրերի պահվածքը. պատերազմի առաջին իսկ օրերից նրանք կամավորական ջոկատներում են. մեր հրաշալի այդ դուստրերի վարքը, անշուշտ, ընդօրինակման ու գնահատանքի արժանի է:

Մենք հույս ունենք, որ զինվորական իշխանություններն ինքնապաշտպանական ջոկատներին ոչ միայն կզինեն համապատասխան զենքով ու զինամթերքով, այլեւ մասնագետների կողմից վարժանքներ կկազմակերպվեն նրանց համար:

Վստահ ենք եւ համոզված, որ նորակազմ ինքնապաշտպանական ջոկատները գործնական ավանդ կբերեն մեր սրբազան պատերազմում, որ պարտադրվել է հայոց դարավոր թշնամու կողմից:

Հ.Գ. 

Կազմավորվող ինքնապաշտպանական ջոկատներին՝ առանձին-առանձին, կանդրադառնանք հետագա հրապարակումներում:

Սամվել Ալեքսանյան



Աղբյուրը՝ https://syuniacyerkir.am/
Կատեգորիա: Աշխարհ | Ավելացրեց: Goris_Today (19.10.2020)
Դիտումներ: 836 | Վարկանիշ: 0.0/0
Հռոմից հատուկ չվերթով ինքնաթիռը ճանապարհվել է Հայա...
Հռոմից հատուկ չվերթով ինքնաթիռը ճանապարհվել է Հայա...

#ՄնաՏանը | Թուրքիան Չինաստանից բացատրություն ...
#ՄնաՏանը | Թուրքիան Չինաստանից բացատրություն ...

Կիպրոսում ստեղծվել է Արցախի հետ բարեկամական շրջանա...
Կիպրոսում ստեղծվել է Արցախի հետ բարեկամական շրջանա...

Թուրքիան հաղորդում է կորոնավիրուսով վարակման առաջի...
Թուրքիան հաղորդում է կորոնավիրուսով վարակման առաջի...

ԱՄՆ-ում առաջին կամավորը կստանա կորոնավիրուսի դեմ պ...
ԱՄՆ-ում առաջին կամավորը կստանա կորոնավիրուսի դեմ պ...

Իսրայելում գրանցվել է կորոնավիրուսի առաջին դեպքը
Իսրայելում գրանցվել է կորոնավիրուսի առաջին դեպքը

#ՄնաՏանը. ՏԵՍԱՆՅՈՒԹ. ԱՄՆ-ում ձերբակալվել Է Չինաստա...
#ՄնաՏանը. ՏԵՍԱՆՅՈՒԹ. ԱՄՆ-ում ձերբակալվել Է Չինաստա...

Արսեն Թորոսյանն Իրանի առողջապահության նախարարի հետ...
Արսեն Թորոսյանն Իրանի առողջապահության նախարարի հետ...

Սիրիան խոցել է Էրդողանի ստորագրած անօդաչուն
Սիրիան խոցել է Էրդողանի ստորագրած անօդաչուն

Նոր գովազդային նյութեր առկա չեն
Մեկնաբանություններն ընդամենը՝: 0
avatar
ԿԱՅՔԻ ՑԱՆԿԸ
ԿՈՆՏԱԿՏՆԵՐ
Էլ․ հասցե՝ syuniknews@mail.ru
ՀՀ ՍՅՈւՆԻՔԻ ՄԱՐԶ
քաղաք Գորիս
Գալստյան 62