ՏԵՍԱՆՅՈՒԹԵՐ․ Կոռնիձորը կանգնած է Արցախում, կանգնած է սեփական հողի վրա

Վաթսունն անց տղամարդը նոյեմբերի 3-ի վաղ առավոտյան ինձ դիմավորեց խրամատում: Նա երրորդ անգամ է մասնակցում պատերազմին: 1991-1994 թթ․ կռվել է մոտ երկուսուկես տարի, 2016-ի Ապրիլյանին կանգնել է Մատաղիսում, իսկ այսօր կրկին հրաժարվել է գյուղացու իր հագուստից, կրում է խակի համազգեստ, ձեռքին՝ «Կալաշնիկով»:

Նրան ու զինակից ընկերներին հարցրեցի, թե ինչ ուղերձ են փոխանցում Երևանում, Փարիզում, Լոս Անջելեսում և աշխարհի այլ վայրերում բնակվող հայերին:

«Թող գան մեզ հետ պաշտպանեն հողը: Ով չի կարողանում գալ ու կռվել, թող Հայաստանին օգնեն գումարով ու ինչով կարող են: Ով չի կարողանում դա անել, թող համախմբվի Հայաստանի շուրջ»,- հերթ չտալով ասացին նա ու ընկերները:

Կոռնիձոր գյուղը վերջին 120 տարիներին առնվազն հինգ անգամ կռիվ է տվել ադրբեջանցիների/թաթարների դեմ: Աշխարհագրությունն է նաև դրա պատճառներից մեկը: 

«Կոռնիձոր» ինքնապաշտպանական ջոկատի հրամանատար Արկադիա Խաչատրյանի ապրելու բանաձևը շատ կարճ է և հստակ. «Մեր պապերը կարողացել են հետ շպրտել թուրքերին, մենք մեր որդիներով ենք դա արել 1991-1994-ին և անում ենք այսօր»:

Գյուղը Արցախյան պատերազմում, որը իր ամբողջ ուժգնությամբ ու ավերով ընթացել է նաև այս կողմերում, տվել է 32 զոհ՝ մարտիկներ ու խաղաղ բնակիչներ: Սեպտեմբերի 27-ին Ադրբեջանի սանձազերծած պատերազմում շուրջ 1000 բնակիչ ունեցող Կոռնիձորը առաջնագծում տվել է երեք զոհ և մի քանի վիրավոր:

Կոռնիձորի պատմությունն ասում է, որ գյուղը ադրբեջանցիների դեմ պատերազմի մեջ է եղել 1905-06-ին, ապա 1918-1920-ին: 

2016-ի Ապրիլյան պատերազմին ևս գյուղի տղաները եղել են առաջնագծում, ինչպես այսօր, շատ կոռնիձորցիներ կանգնած են Արցախի պաշտպանության դիրքերում:

«Թուրքը մեզ քանակով է գերազանցում միայն: Բայց անգամ այդ պայմաններում մենք կարողացել ենք կռիվ տալ ու հետ մղել»,- ասում է հրամանատարը:

Տեքստը և տեսանյութերը՝ Թաթուլ Հակոբյանի, 3-ը նոյեմբերի, 2020 թ․



Աղբյուրը՝ https://www.civilnet.am/
Կատեգորիա: Աշխարհ | Ավելացրեց: Goris_Today (04.11.2020)
Դիտումներ: 244 | Վարկանիշ: 0.0/0
#ՄնաՏանը | Կասկած չունեմ, որ Թուրքիան ի վերջո...
#ՄնաՏանը | Կասկած չունեմ, որ Թուրքիան ի վերջո...

Կորոնավիրուսով նորածին աղջիկը առանց հաբերի 17 օրու...
Կորոնավիրուսով նորածին աղջիկը առանց հաբերի 17 օրու...

Ալեն Սիմոնյանը ներկա կգտնվի Ուրուգվայի նորընտիր նա...
Ալեն Սիմոնյանը ներկա կգտնվի Ուրուգվայի նորընտիր նա...

#ՄնաՏանը. ԱՄՆ-ում առաջին անգամ կորոնավիրուսի հետևա...
#ՄնաՏանը. ԱՄՆ-ում առաջին անգամ կորոնավիրուսի հետևա...

Իտալիայում կորոնավիրուսի կտրուկ աճով պայմանավորված...
Իտալիայում կորոնավիրուսի կտրուկ աճով պայմանավորված...

#ՄնաՏանը. Իտալիայում կորոնավիրուսից մահացածների թի...
#ՄնաՏանը. Իտալիայում կորոնավիրուսից մահացածների թի...

Մասնագետները նշել են, թե ինչքան ժամանակ է կորոնավի...
Մասնագետները նշել են, թե ինչքան ժամանակ է կորոնավի...

«Wildberries»-ի հիմնադիրը դարձել է Ռուսաստանի ամեն...
«Wildberries»-ի հիմնադիրը դարձել է Ռուսաստանի ամեն...

ՀՀ քաղաքացիներն Իրանից Հայաստան կվերադառնան հատուկ...
ՀՀ քաղաքացիներն Իրանից Հայաստան կվերադառնան հատուկ...

Նոր գովազդային նյութեր առկա չեն
Մեկնաբանություններն ընդամենը՝: 0
avatar
ԿԱՅՔԻ ՑԱՆԿԸ
ԿՈՆՏԱԿՏՆԵՐ
Էլ․ հասցե՝ syuniknews@mail.ru
ՀՀ ՍՅՈւՆԻՔԻ ՄԱՐԶ
քաղաք Գորիս
Գալստյան 62