Բելգիայի խորհրդարանի հանձնաժողովը կոչ է անում ադրբեջանական ուժերը դուրս բերել Լեռնային Ղարաբաղից

Բելգիայի Դաշնային խորհրդարանի արտաքին հարաբերությունների հանձնաժողովը դատապարտում է Ադրբեջանի և Թուրքիայի կողմից Լեռնային Ղարաբաղի նկատմամբ իրականացված ագրեսիան և կոչ է անում արագ վերսկսել բանակցությունները:

Բելգիայի Դաշնային խորհրդարանի արտաքին հարաբերությունների հանձնաժողովն այսօր ընդունել է Լեռնային Ղարաբաղի հակամարտության կարգավորման վերաբերյալ բանաձև։ Նոյեմբերի 9-ի զինադադարը չի լուծել տարածաշրջանում առկա լուրջ խնդիրները, որն արտացոլվում է հանձնաժողովի կողմից այսօր ընդունված դիրքորոշման մեջ։ Բանաձևի նախագիծը դեռևս ենթակա է Խորհրդարանի գալիք լիագումար նիստում քվեարկման և հաստատման, ինչը նշանակում է, որ այն դեռևս վերջնական չէ։

Բանաձևի այս նախագծում խորհրդարանականները դատապարտում են Ադրբեջանի կողմից Լեռնային Ղարաբաղի նկատմամբ ագրեսիան, որին ակտիվորեն աջակցել են Թուրքիան և օտարերկրյա վարձկանները։ Բանաձևը կոչ է անում դուրս բերել ադրբեջանական ուժերը Լեռնային Ղարաբաղից և վերադառնալ ԵԱՀԿ Մինսկի խմբի շրջանակներում տարածաշրջանի կարգավիճակի շուրջ բանակցություններին։

Այն, մասնավորապես, կոչ է անում Թուրքիային դադարեցնել իր միջամտությունն այս հակամարտությանը, զերծ մնալ տարածաշրջանում ապակայունացնող դերակատարումից, ինչպես նաև հրաժարվել Սիրիայի բնակչությանը Լեռնային Ղարաբաղի տարածաշրջանում վերաբնակեցնելու ծրագրից։

Մյուս կողմից, խորհրդարանականները ցանկանում են Լեռնային Ղարաբաղում տեսնել միջազգային այլ դերակատարների ներկայություն, մասնավորապես խաղաղության պահպանմանն ու պատերազմական հանցագործությունների բացահայտմանը  նպաստելու նպատակով։ Նրանք նաև կոչ են անում Բելգիայի կառավարությանը, Եվրամիության հետ մեկտեղ, նպաստել փախստականներին հումանիտար օգնության տրամադրման և ռմբակոծությունների հետևանքով առաջացած ավերածությունները վերացնելու գործողություններին։

Խորհրդարանականները պահանջում են նաև գործադրել բոլոր անհրաժեշտ ջանքերը պատերազմական հանցագործությունների բացահայտման, ինչպես նաև մեղավորների դատապարտման ու պատժելու ուղղությամբ։ Նրանք, ի վերջո, պահանջում են գերիների և զոհվածների աճյունների վերադարձ՝ Ժնևյան կոնվենցիայի համաձայն։

Բանաձևի նախագծի առաջարկն արվել էր պատգամավոր Միշել դե Մակտի կողմից խորհրդարանական մեծամասնության համար, որին մասնավորապես աջակցել են արտաքին հարաբերությունների հանձնաժողովի նախագահ Էլս Վան Հովը և փոխնախագահ Սամյուել Կոգոլատին։ Այս տեքստը փոխարինեց բանաձևի այն առաջարկին, որն ի սկզբանե ներկայացրել էր պատգամավոր Ժորժ Դալմանը  դեռևս հոկտեմբեր ամսին, որին սատարել էին պատգամավորներ Պիտեր դը Ռուվերը և Ֆրանսուա դե Սմեդը։

Բելգիայի հայերի կոմիտեն ողջունում է արտաքին հարաբերությունների հանձնաժողովի կողմից այս բանաձևի ընդունումը և շնորհակալություն հայտնում ինչպես կառավարության մեծամասնության, այնպես էլ  ընդդիմադիր խորհրդարանականներին, որոնց համատեղ աշխատանքն որոշիչ դեր խաղաց բանաձևի մշակման և ընդունման հարցում փոխզիջման գալու համար։

Եթե խոհրդարանը լիագումար նիստով հաստատի այս բանաձևը, այդպիսով միանշանակ ցույց կտա, որ Բելգիայի խորհրդարանը կարող է ինքնավստահ և կառուցողական դեր խաղալ միջազգային քաղաքականության մեջ՝ առանց դավաճանելու երկրի մարդասիրական արժեքներին։

Բելգիայի հայերի կոմիտե



Աղբյուրը՝ http://lragir.am
Կատեգորիա: Աշխարհ | Ավելացրեց: Goris_Today (02.12.2020)
Դիտումներ: 127 | Վարկանիշ: 0.0/0
#ՄնաՏանը | ՏԵՍԱՆՅՈւԹ. Ապրիլի 24-ն առանցքային ...
#ՄնաՏանը | ՏԵՍԱՆՅՈւԹ. Ապրիլի 24-ն առանցքային ...

#ՄնաՏանը. Վրաստանում կորոնավիրուսի հետևանքով մահվա...
#ՄնաՏանը. Վրաստանում կորոնավիրուսի հետևանքով մահվա...

ԱՀԿ-ն նշել է կորոնավիրուսի դեմ պատվաստանյութի մշակ...
ԱՀԿ-ն նշել է կորոնավիրուսի դեմ պատվաստանյութի մշակ...

#ՄնաՏանը.  Թրամփը ստորագրեց Covid-19-ի դեմ պայքարի...
#ՄնաՏանը. Թրամփը ստորագրեց Covid-19-ի դեմ պայքարի...

Թաիլանդում և Ավստրալիայում գրանցվել են կորոնավիրու...
Թաիլանդում և Ավստրալիայում գրանցվել են կորոնավիրու...

Մեքսիկայում հայտնաբերվել Է կորոնավիրուսով վարակման...
Մեքսիկայում հայտնաբերվել Է կորոնավիրուսով վարակման...

Իրանում կորոնավիրուսով վարակվածների թիվը գերազանցե...
Իրանում կորոնավիրուսով վարակվածների թիվը գերազանցե...

#ՄնաՏանը. Հայաստանը միացել է Թուրքիայի դեմ Եվրամիո...
#ՄնաՏանը. Հայաստանը միացել է Թուրքիայի դեմ Եվրամիո...

Թուրքիան հաղորդում է կորոնավիրուսով վարակման առաջի...
Թուրքիան հաղորդում է կորոնավիրուսով վարակման առաջի...

Նոր գովազդային նյութեր առկա չեն
Մեկնաբանություններն ընդամենը՝: 0
avatar
ԿԱՅՔԻ ՑԱՆԿԸ
ԿՈՆՏԱԿՏՆԵՐ
Էլ․ հասցե՝ syuniknews@mail.ru
ՀՀ ՍՅՈւՆԻՔԻ ՄԱՐԶ
քաղաք Գորիս
Գալստյան 62