Թեհրանից 82 ՀՀ քաղաքացիների տեղափոխող ինքնաթիռը վայրէջք  է կատարվել «Զվարթնոց» օդանավակայանում: «Արմենպրես»-ի փոխանցմամբ՝ ինչպես հայտնում է ՀՀ առողջապահության նախարար Արսեն Թորոսյանը՝ սա այս պահին Իրանից ՀՀ քաղաքացիներին տեղափոխող կարծես թե վերջին ինքնաթիռն է:

«Նրանց կրկին ուղեկցել էր մեր մասնագետը՝ հենց Թեհրանից հետևելով նրանց ինքնազգացողությանը և օբյեկտիվ ախտանշաններին։ Ուղևորներից ոչ մեկ չի ունեցել բարձր ջերմություն կամ սուր շնչառական վարակի ախտանիշ։ Նրանք բոլորը կգտնվեն տնային հսկողության տակ»,-վստահեցրել է նախարարը:

Մինչ օրս կատարվել է կորոնավիրուսի ախտորոշման համար 108 լաբորատոր թեստ, բոլորի պատասխանները եղել են բացասական։

Փետրվարի 26-ին ժամանել էր նաև Թեհրան-Երևան ինքնաթիռը, որը 52 ուղևորի փոխադրել էր Զվարթնոց օդանավակայան՝ ՀՀ առողջապահության նախարարության  մասնագետի ուղեկցությամբ: