Պտղնի համայնքի ղեկավարին մեղադրանք է առաջադրվել՝ պաշտոնեական դիրքն օգտագործելով չարաշահումներ կատարելու համար. ՔԿ

ՀՀ քննչական կոմիտեի Կոտայքի մարզային քննչական վարչությունում քննվող քրեական գործով կատարված քննչական և դատավարական այլ գործողությունների արդունքում պարզվել են Պտղնի համայնքի ղեկավարի կողմից առերևույթ չարաշահումներ կատարելու դեպքի մի շարք հանգամանքներ: Այս մասին հայտնում է ՀՀ Քննչական կոմիտեն։

Քննությամբ ձեռք բերված տվյալների համաձայն՝ Կոտայքի մարզի Պտղնի համայնքի ղեկավարը, 1991 թվականից զբաղեցնելով նշված պաշտոնը, իր պաշտոնավարման ընթացքում, վատնման եղանակով հափշտակություն կատարելու դիտավորությամբ, դեռևս 2015թ. հոկտեմբերի 15-ին համայնքի միջոցներով՝ 439.000 ՀՀ դրամով ծառայողական նպատակով ձեռք բերված և իրեն վստահված «Iphone 6S» մոդելի բջջային հեռախոսը 2017թ. նոյեմբերի 29-ին տվել է որդուն՝ այդ կերպ վատնման եղանակով հափշտակելով իրեն վստահված համայնքի զգալի չափի գույքը:

Բացի այդ, Պտղնի համայնքի ղեկավարը, իր կողմից վատնման եղանակով կատարված զգալի չափի հափշտակության հանգամանքը քողարկելու նպատակով, շուրջ մեկ ամիս անց՝ 2017թ. դեկտեմբերի 25-ին, հաստատել է համայնքապետարանի հիմնական միջոցների խոտանման կեղծ ակտը, որում որպես հետագա օգտագործման համար ոչ պիտանի, վերանորոգման ոչ ենթակա գույք, նշվել է նաև վատնման եղանակով հափշտակած և որդու կողմից փաստացի օգտագործվող վերոնշյալ բջջային հեռախոսը, այն դուրս է գրել Պտղնիի համայնքապետարանի հիմնական միջոցների հաշվեկշռից՝ այդ կերպ կատարելով պաշտոնեական կեղծիք:

Ձեռք բերված բավարար ապացույցների համակցությամբ՝ Պտղնի համայնքի ղեկավարին մեղադրանք է առաջադրվել՝ ՀՀ քրեական օրենսգրքի 179-րդ հոդվածի (յուրացնելը կամ վատնելը) 2-րդ մասի 1-ին կետով և 314-րդ հոդվածով (պաշտոնեական կեղծիք):

Նախաքննությունը շարունակվում է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:



Աղբյուրը՝ https://www.tert.am/
Կատեգորիա: Հայաստան | Ավելացրեց: Սեռի_Վլադի (14.07.2020)
Դիտումներ: 72 | Վարկանիշ: 0.0/0
Նիկոլ Փաշինյանն ու Բակո Սահակյանն Արցախում անցկացր...
Նիկոլ Փաշինյանն ու Բակո Սահակյանն Արցախում անցկացր...

Փետրվարի 27-ին տեղի կունենա Մեղրի համայնքի ավագանո...
Փետրվարի 27-ին տեղի կունենա Մեղրի համայնքի ավագանո...

Իրանում ՀՀ դեսպանատունը ժամանակավորապես դադարեցնու...
Իրանում ՀՀ դեսպանատունը ժամանակավորապես դադարեցնու...

«Սրիկաների վերջին հանգրվանը Արցախն է». Լիզա Ճաղարյ...
«Սրիկաների վերջին հանգրվանը Արցախն է». Լիզա Ճաղարյ...

ՊԵԿ-ը հայտնաբերել է շուրջ 2 կգ 800 գրամ ափիոն
ՊԵԿ-ը հայտնաբերել է շուրջ 2 կգ 800 գրամ ափիոն

Սուտ մատնություն կատարելու համար մեղադրանք է առաջա...
Սուտ մատնություն կատարելու համար մեղադրանք է առաջա...

Կապանի բ/կ-ում կորոնավիրուսով հիվանդների առկայությ...
Կապանի բ/կ-ում կորոնավիրուսով հիվանդների առկայությ...

«Սիսիան սիթի» սուպերմարկետը պարզաբանում է տարածել ...
«Սիսիան սիթի» սուպերմարկետը պարզաբանում է տարածել ...

Իրանում կորոնավիրուսից մահվան նոր դեպք է գրանցվել....
Իրանում կորոնավիրուսից մահվան նոր դեպք է գրանցվել....

Նոր գովազդային նյութեր առկա չեն
Մեկնաբանություններն ընդամենը՝: 0
avatar
ԿԱՅՔԻ ՑԱՆԿԸ
ԿՈՆՏԱԿՏՆԵՐ
Էլ․ հասցե՝ syuniknews@mail.ru
ՀՀ ՍՅՈւՆԻՔԻ ՄԱՐԶ
քաղաք Գորիս
Գալստյան 62