«Դիվանագետները բանակցելուց առաջ թող ինձ հետ խորհրդակցեն, Կապանի հարցում միանձնյա որոշումներ չպետք է կայացնեն»․ Կապանի համայնքապետ

ԱԺ «Իմ քայլը» խմբակցության պատգամավոր Կարեն Համբարձումյանը, անդրադառնալով Սյունիքի սահմանային անվտանգության մասին հարցին, հայտարարել է, որ «Երեկ Սիսիանում եմ եղել: Մեր, խաղաղապահ և ադրբեջանական զորքերը սահմանը գծելով գալիս են, նորմալ է, հասել են Կապան համայնքի տակ, որևէ արտառոց բան չկա, ամեն ինչ նորմալ է»։

Կապանի քաղաքապետարանը հերքել է այս լուրը։

«Այսօր «Իմ քայլը» խմբակցության պատգամավոր Կարեն Համբարձումյանի կողմից լրատվականներին տված հարցազրույցում, թե իբր մեր և ադրբեջանական զորքերը սահմանը գծելով գալիս և հասել են Կապան համայնքի տակ՝ հայտնում ենք, որ տեղեկատվությունը իրականությանը չի համապատասխանում։ Կապան համայնքի տարածքում սահմանազատման աշխատանքներ չեն իրականացվում»,- նշվում է քաղաքապետարանի հայտարարությունում։

Խնդրի շուրջ «Մեդիալաբը» զրուցել է Կապանի քաղաքապետ Գևորգ Փարսյանի հետ։

– Պարո՛ն Փարսյան, ի՞նչ է կատարվում Սյունիքում։ Տարբեր տեղեկություններ են ստացվում, ընդհուպ այն, որ ադրբեջանական զորքերը հասել են Կապանի տակ։

– Ոչ մի անորոշություն չկա։ Որտեղ եղել ենք մինչև նոյեմբերի 10-ը, այնտեղ էլ կանգնած մնում ենք։ Այսինքն՝ որտեղ եղել են մեր բնագծերը, շարունակում ենք մնալ կանգնած։

– Կապանի տակ հասնելու խոսակցություն չկա՞։

– Ո՛չ։

– Նաև տեղեկություն եղավ Կապանի օդանավակայանի հետ կապված, վտանգ կա՞, որ այն կարող է հայտնվել սահմանագոտում։

– Օդանավակայանի խնդիր չկա։ Մեր բնագծերը հիմա օդանավակայանից տասնյակ կլիոմետրեր առաջ են։ Ես կոչ եմ անում՝ վերջացրեք օդանավակայանի հետ կապված հարցեր բարձրացնելը։ Էս երկու օր է՝ մամուլում անընդհատ այդ հարցերն են քննարկում։ Վերջացրե՛ք էդ թեմաները քննարկելը։ Այդ խոսակցություններն անհիմն են, հիմա օդանավակայանի հետ կապված որևէ խնդիր չկա։

– Սյունիքում որևէ բնակավայր վտանգվա՞ծ է ներկա պահին։ Նաև տարաբնույթ տեղեկություններ կան Ադրբեջանին հավանական անցնող համայնքների վերաբերյալ։

– Ո՛չ, նման խնդիր չկա։ Հիմնվե՛ք համաձայնագրի առաջին կետի վրա, տեսեք, թե ինչ է նշված։ Հիմա մենք կանգնած ենք այնտեղ, որտեղ մինչև ամսի 10-ը կանգնած էինք։ Մնացածն արդեն հետագայի հարց է, չգիտեմ, թե ի՛նչ բանակցություններ կլինեն, ի՛նչ կանեն դիվանագետները։ Արդեն այդ խնդիրները առաջ կգան։

– Այսինքն՝ չե՞ք բացառում, որ հետագայում խնդիրներ կարող են առաջանալ։

– Այ դա չեմ կարող ասել, տեսնենք։

– Տեղեկությունն այն է, որ հիմք են ընդունվում ԽՍՀՄ սահմանները։ ԽՍՀՄ սահմանները հասնո՞ւմ են մինչև Կապան։

– Եթե ԽՍՀՄ սահմաններով վերցնենք, հա, մոտենում են քաղաքին։ Բայց մեզ մոտ համայնքներ կորցնելու խնդիր չկա։

– Ի՞նչ խորհուրդ կտաք դիվանագետներին, ի՞նչ պետք է անել նման իրավիճակում։ 

– Ես խորհուրդ եմ տալիս ձիգ մնալ, չթուլանալ։ Իսկ դիվանագետներին կասեմ հետևյալը. շատ կարևոր է, որ դիվանագետները բանակցելուց առաջ ինձ հետ խորհրդակցեն։

Անպայման պետք է կոնսուլտացիաներ անեն, քննարկեն, նոր բանակցությունները վարեն։ Կապանի հետ կապված միանձնյա որոշումներ չպետք է կայացնեն, իրենց մոտ հանկարծ մտքեր չառաջանան՝ առանց ինձ հետ խորհրդակցելու որոշումներ կայացնել։

– Բնակչության շրջանում ի՞նչ իրավիճակ է, խուճապ կա՞։

– Հանգիստ են, մարդիկ իրենց առօրյա կյանքով ապրում են։

Ռոզա Հովհաննիսյան



Աղբյուրը՝ http://MediaLab.am
Կատեգորիա: Հայաստան | Ավելացրեց: Goris_Today (01.12.2020)
Դիտումներ: 342 | Վարկանիշ: 0.0/0
Իտալիայում 24 ժամվա ընթացքում նոր տեսակի կորոնավիր...
Իտալիայում 24 ժամվա ընթացքում նոր տեսակի կորոնավիր...

Վիեննայում տեղի է ունեցել Սումգայիթի և Բաքվի ջարդե...
Վիեննայում տեղի է ունեցել Սումգայիթի և Բաքվի ջարդե...

#ՄնաՏանը. ԱՄՆ-ում առաջին անգամ կորոնավիրուսի հետևա...
#ՄնաՏանը. ԱՄՆ-ում առաջին անգամ կորոնավիրուսի հետևա...

Ադրբեջանում կորոնավիրուսով վարակվածների թիվը հասել...
Ադրբեջանում կորոնավիրուսով վարակվածների թիվը հասել...

#ՄնաՏանը. Թուրքիան կոչ է արել միջազգային հանրությա...
#ՄնաՏանը. Թուրքիան կոչ է արել միջազգային հանրությա...

Իսպանիան կորոնավիրուսի պատճառով երկրում արտակարգ դ...
Իսպանիան կորոնավիրուսի պատճառով երկրում արտակարգ դ...

ՌԴ-ում ձերբակալված Վահագն Հարությունյանն ազատ է ար...
ՌԴ-ում ձերբակալված Վահագն Հարությունյանն ազատ է ար...

Բրազիլիայում հայտնաբերվել Է կորոնավիրուսի առաջին դ...
Բրազիլիայում հայտնաբերվել Է կորոնավիրուսի առաջին դ...

#ՄնաՏանը | Մարդու գործած ոճիրը կհարատևի այնքա...
#ՄնաՏանը | Մարդու գործած ոճիրը կհարատևի այնքա...

Նոր գովազդային նյութեր առկա չեն
Մեկնաբանություններն ընդամենը՝: 0
avatar
ԿԱՅՔԻ ՑԱՆԿԸ
ԿՈՆՏԱԿՏՆԵՐ
Էլ․ հասցե՝ syuniknews@mail.ru
ՀՀ ՍՅՈւՆԻՔԻ ՄԱՐԶ
քաղաք Գորիս
Գալստյան 62