Ութ օրից պետք է զորացրվեր…

Կրտսեր սերժանտ, ժամկետային զինծառայող Գրիշա Մաթևոսյանը, որը զոհվել է Ադրբեջանի զինված ուժերի սկսած հրաձգության ընթացքում, ծնունդով Սյունիքի մարզի Սիսիան համայնքից էր։ Սիսիան համայնքի ղեկավար Արթուր Սարգսյանի մամուլի քարտուղար Անի Սիմոնյանը Sputnik Արմենիայի թղթակցի հետ զրույցում պատմեց, որ երիտասարդը պետք է զորացրվեր մոտ մեկ շաբաթ հետո։

«8 օրից պետք է զորացրվեր։ Սարսափելի ողբերգություն է, խոսք չկա։ Այնքան հետաքրքրություններ ուներ կյանքում, ֆուտբոլիստ էր, շատ ընկերներ ուներ․․․ Չհասցրեց լրացնել իր կենսագրությունը․․․»,-ասաց Սիմոնյանը։

Գրիշան 20 տարեկան էր։ Նրա հայրը՝ Վահանը, անհատ ձեռներեց է, մայրը՝ Արմինեն, տեղի դպրոցներից մեկում անգլերենի ուսուցչուհի։ Գրիշան 18-ամյա եղբայր ունի, որը շուտով կզորակոչվի բանակ։ Գրիշային անվանակոչել են պապի պատվին, որը նույնպես նրանց հետ է ապրում։

«2017թ․-ին նա ընդունվեց ԵՊՏՀ-ի մարքեթինգի և բիզնեսի կազմակերպման ֆակուլտետ։ Իսկ 2018թ․-ի ամռանը զորակոչվեց բանակ»,-պատմեց Սիսիանի ղեկավարի մամուլի քարտուղարը։

Սիսիանի ավագ դպրոցի (որն ավարտել է Գրիշան) ֆեյսբուքյան էջում նրա մասին սրտառուչ գրառում են արել։

«Գրիշան մեր բոլորի հուշերում կմնա որպես կենսուրախ, խելացի և պայծառ երիտասարդ։ Դեռ ինչքան երազանքներ ուներ, որ անկատար մնացին…

Նա ընկավ հանուն հայրենիքի և բռնեց հավերժության ճանապարհը։

Ննջիր խաղաղությամբ, սիրելի Գրիշա, քո անունը հավերժ կմնա մեր սրտերում»,-նշված է գրառման մեջ։

Կրտսեր սերժանտներ Գրիշա Մաթևոսյանը և Սմբատ Գաբրիելյանը զոհվել են հակառակորդի կրակից հուլիսի 14-ին, հայ-ադրբեջանական սահմանին` Տավուշի մարզում։ Նույն օրը, ավելի վաղ, Ադրբեջանի կողմից սկսված հրաձգության պատճառով զոհվել են մայոր Գարուշ Համբարձումյանը և կապիտան Սոս Էլբակյանը։



Աղբյուրը՝ http://armeniasputnik.am
Կատեգորիա: Սիսիան | Ավելացրեց: Արմինե_Հովակիմյան (16.07.2020)
Դիտումներ: 3127 | Վարկանիշ: 0.0/0
Ryanair-ն ուսումնասիրում է Միլան-Երևան չվերթի ուղև...
Ryanair-ն ուսումնասիրում է Միլան-Երևան չվերթի ուղև...

Ապրիլի 5-ին Հեղափոխությանը ասում ենք Այո․ վարչապետ...
Ապրիլի 5-ին Հեղափոխությանը ասում ենք Այո․ վարչապետ...

Պատգամավորը ներողություն է խնդրել կորոնավիրուսի հա...
Պատգամավորը ներողություն է խնդրել կորոնավիրուսի հա...

Հրազդան ԲԿ-ի տնօրենին աշխատանքից ազատելը պայմանավո...
Հրազդան ԲԿ-ի տնօրենին աշխատանքից ազատելը պայմանավո...

Երբ... Երբ ձախողված է գրեթե ամեն ինչ...
Երբ... Երբ ձախողված է գրեթե ամեն ինչ...

Շիրակի մարզում բուք է
Շիրակի մարզում բուք է

Իրանում երկրաշարժերից տուժածների թիվը հասել է 104-...
Իրանում երկրաշարժերից տուժածների թիվը հասել է 104-...

Իրանում կորոնավիրուսից մահացել է 14 մարդ
Իրանում կորոնավիրուսից մահացել է 14 մարդ

Հատուկ քննչական ծառայության գլխավոր քարտուղարին պա...
Հատուկ քննչական ծառայության գլխավոր քարտուղարին պա...

Նոր գովազդային նյութեր առկա չեն
Մեկնաբանություններն ընդամենը՝: 0
avatar
ԿԱՅՔԻ ՑԱՆԿԸ
ԿՈՆՏԱԿՏՆԵՐ
Էլ․ հասցե՝ syuniknews@mail.ru
ՀՀ ՍՅՈւՆԻՔԻ ՄԱՐԶ
քաղաք Գորիս
Գալստյան 62